– Ataýly áleýmettik kómekti paıda kórgenderdiń zańsyz isteri áshkerelendi. Osy kómekti alý úshin keı adamdar tabystaryn jasyrǵan, ádeıi ajyrasqan, basqa da aıl-sharǵylarǵa barǵan. Jýyrda Qyzyljar aýdanyndaǵy jumyspen qamtý ortalyǵynda júrgizilgen tekseris kezinde 1711 ereje buzýshylyq tirkeldi», deıdi Memlekettik qyzmet isteri jáne sybaılas jemqorlyqqa qarsy is- qımyl agenttigi oblystyq departamentiniń bas mamany Indıra Bajenova.
Onyń aıtýynsha, tekseris kezinde ataýly áleýmettik kómek alyp otyrǵan úsh otbasynyń bıznespen aınalysyp, jaqsy tabys tabatyndyǵy áshkerelengen. Bul otbasylar biryńǵaı jınaqtaýshy zeınetaqy qoryna jalaqylaryn jasyrý arqyly eń tómengi zeınetaqy jarnalaryn aýdaryp otyrǵan. Endi olar osy kúnge deıin alǵan qarjyny tolyq qaıtarýy tıis. Olaı etpegen jaǵdaıda qylmystyq is qozǵalady.
Qazaqstan boıynsha eki myńǵa jýyq otbasy ataýly áleýmettik kómekti zańsyz alyp kelgeni belgili bolyp otyr.
Soltústik Qazaqstan oblysy